Tuman ang kalipay sang pila ka mga atleta sa ciudad sang Bacolod sa nabaton nga cash allowance para sa Negros Island Region Athletic Association Meet (NIRAAM) 2026.
Madumduman nga natigayon na nga mapanghatag ang P10, 500 nga training allowance lakip na ang mga uniforms kag mga sapatos para sa mga atleta kag mga coaches sa ginpatigayon nga Send-Off Ceremony kahapon sa Bacolod City National High School.
Sa interview sang Bombo Radyo kay Psalm Pampag, Batang Pinoy Gold Medalist Athletics, Romanito Maravilla National High School, nagpasalamat ini sa paghatag sang suporta sang ciudad ilabi na kay Mayor Greg Gasataya.
Suno kay Pampag, mas madamo ang suporta nga ila nabatyagan kag nabaton subong kun ikumpara sang nakaligad nga NIRAAM.
Mensahe sini sa kaupod nga mga atleta nga magsalig sa Ginoo, indi magpasaway sa mga coaches kag magpadayon gid sa pag-training adlaw-adlaw bilang preparasyon antes ang NIRAAM 2026.
