Ginhatagan sang allowance sang Bacolod City Government ang mga atleta sang Bacolod City Division nga magahampang sa Palarong Pambansa nga patigayunon sa Agusan Del Sur sa Mayo 24 tubtob Mayo 31.
Sa pahayag ni Bacolod City Mayor Greg Gasataya, agud nga mabuligan ang mga atleta sang Bacolod City nga magarepresentar sang ciudad kag bug-os nga Negros Island Region naghatag ang ciudad sang playing, food kag training allowance.
Suno kay Gasataya, sa pila ka mga specialized events magahatag ang ciudad sang sapatos kag iban pa nga kinahanglanon.
Nagdangat sa 286 nga kabahin sang delegasyon ang nahatagan sang assistance kag allowances sang ciudad kag katuyuan sini nga mabuligan ang mga atleta agud nga ma-boost ang moral kag ginalauman nga makadala sang medalya sa ila nga pagbalik.
