13 ang panibag-o nga nagdugang sa kaso sang COVID-19 sa ciudad sang Bacolod samtang 11 naman ang nagdugang sa Negros Occidental kahapon.
Santo sa Department of Health Region 6 COVID-19 case bulletin no. 130, ang Western Visayas ang nakarecord na sang 1,621 nga kabug-usan nga kaso, nga may 842 ka active cases samtang 74 diri ang bag-o, 758 ang mga nakarecover sa pagdugang sang 20 kag 21 ang mga nagtaliwan bangod sa virus.
Samtang nagdangat naman sa 299 ang kabug-usan nga kaso sa ciudad sang Bacolod City nga may 70 ka nakarecover sa pagdugang sang isa, 222 ka mga aktibo nga kaso kag pito nga nagtaliwan.
Ang kaso sang COVID-19 sa probinsya sang Negros Occidental naman ang nagdangat na sa 542 sa pagdugang sang 28 anyos nga lalaki nga residente sa Sipalay City, 55 anyos nga lalaki nga residente sa banwa sang EB Magalona, 44 anyos nga babayi nga residente sang banwa sang Binalbagan, 36 anyos nga babayi nga residente sang San Carlos City, 41 anyos nga residente sang Talisay City, 28 anyos nga babayi nga residente sang banwa sang Toboso, 52 anyos nga lalaki nga residente sang banwa sang Cauayan, 37 anyos nga residente sang banwa sang Valladolid, 32 anyos nga residente sang banwa sang Hinigaran kag 25 anyos nga residente sang Bago City kag lunsay mga repatriated overseas Filipino workers (OFWs).// Samtang isa naman ka 27 anyos nga residente sa Bago City ang narecord nga local case.
