Ginpahayag ni Bacolod Traffic Authority Office (BTAO) head Police Major Junji Liba, nga ipalab-ot sini sa mga nagakaigo nga ahensya ang concern natuhoy sa liwat nga pagduging sang mga badjao nga hinali na lamang nga nagasaka sa mga jeep.
Paathag sini, nga ang BTAO ang wala sang jurisdiction sa pag-address sa nasambitan nga problema bangud sila ang naka-assign lamang sa pagsiguro sang dalagan sang trapiko.
Apang aminado ini nga tuman ka delikado ang hinali alang nga pagsaka sang mga badjao sa nagadalagan nga jeep agud magpangayo-kayo.
Dugang pa sini nga salabton pa sang driver hinali nga may malain nga matabo sa mga badjao kaangay lamang sa pagkahulog sa salakyan.
Suno kay Liba, sa karun ang nasambit nga problema ang makita lamang sa mga traditional jeepneys bangod indi makasaka ang mga badjao sa mga modernized jeepneys ilabi na nga may konduktor nga nagabantay sa piyertahan.
Pasalig sini nga ipalab-ot niya sa Peace and Order committee ukon sa kun ano man nga nagakaigo nga ahensya ang concerns agud nga ini ang mahatagan sang solusyon.
