Tanan sa 72 ka mga badjao nga ginbyahe sang Iloilo City Government pabalik sa Bacolod City ang gindul-ong naman kagab-i padulong sa Dumaguete agud sila ang makasakay sa barko pabalik sa Zamboanga.
Ang Ceres bus nga nagdul-ong sa mga Badjao ang naghalin kapin alas-8:00 kagab-i kun sa diin ginpakaon anay sang Department of Social Services and Development (DSSD) ang mga Badjao antes ginbyahe.
Agud masiguro nga hilway nga makabalik sa ila hometown, ang mga Badjao ang gin-updan man sang lima ka personnel sang Anti-Mendicancy Task Force sang Bacolod kag apat ka mga police personnel.
Pagdangat sa Dumaguete, sila ang magasakay sa barko nga magadungka sa Dapitan City, Zamboanga del Norte.
Ang mga ini ang pagasugataon naman sang mga personnel sa Department of Social Welfare and Development (DSWD) sa nasambit nga probinsya kag sila na ang magadul-ong sa mga badjao sa ila nga hometown pinaagi na sa land travel.
Una na nga ginpahayag ni Bacolod City Vice Mayor El Cid Familiaran nga ang gasto sa pagbyahe sang mga badjao ang ginpas-an na sang DSWD Region 6.
