96 ka mga badjao nagikan sa ciudad sang Victorias kag 38 ka mga badjao naman halin sa ciudad sang Sagay ang ginpapauli sang probinsya sa Mindanao.
Sa interview sang Bombo Radyo Bacolod kay Negros Occidental Incident Management Team (IMT) head Dr. Zeaphard Gerhart Caelian, ginkumpirmar sini nga sakay sa duha ka bus kag walo ka mga van ang 134 tanan ka mga badjao padulong sa Dumaguete City kun sa diin magahulat sila sang ila nga trip sa barko padulong sa Mindanao takna alas-9:00 karon sa gab-i.
Suno kay Caelian, magadiretso ang mga badjao sa ila mga ginhalinan nga lugar sa Zamboanga kag Basilan.
Nahibaluan nga ginpaidalom ang mga ini sa swab test antes ginproseso ang ila nga pagpapauli bilang kabahin sang mga requirements agud magpadulong sa Mindanao.
Madumduman nga nakauna na balik sa Omar, Jolo, Sulu ang 73 ka mga badjao nagikan sa Bacolod City nagligad nga Oktubre 5.
