Nakapauli na ang 19 ka mga mendicants ukon mga Badjao nga yara sa ciudad sang Bacolod.
Sa interview kay Bacolod City Administrator Atty Mark Mayo, paagi sa koordinasyon sa Department of Social Services and Development, Bacolod City Police Office kag sa pagpanguna ni Bacolod City Mayor Greg Gasataya, napatigayon na ang reunification program sa mga mendicants ukon badjao.
Suno kay Mayo, nagbiyahe na ang mga ini pauli sa Zamboanga kag hugot man nila nga ginamonitor ang pagpauli sang mga mendicants kag ginsiguro man nila nga makacoordinate sila sa concerned Local Government Unit kag sa DSWD region 9 angot sa pagpauli sang mga ini.
Suno diri, gamiton man sang mga ini ang tanan nga legal nga pamaagi agud nga mahimuan sang tikang nga indi na makabalik sa ciudad ang mga Badjao.
Ginalantaw kag ginahulat man sang mga ini nga maamendahan ang anti-mendicancy ordinance.
Isa man sa factor nga nagabalik-balik ang mga ini bangud madamo sang mga maalwan sa Bacolod City nga nagahatag sa ila sang kwarta.
Ginatun-an ang pag-regulate nga kun mahimo pagkaon nalang ihatag sa baylo cash.
Ini ang kabahin sang long term plan sang ciudad sa paghatag solusyon sa problema sa mga abusado nga mga mendicants.
