-- ADVERTISEMENT --
Paga-updan sang pila ka personnel sang Bacolod City Police Office ang 54 ka mga Badjao nga papaulion sa Zamboanga sa masunod nga semana.
Sa interview sang Bombo kay Bacolod City Police Office Director Police Col. Noel Aliño, ginhatagan sang pagkaon kag panapton ang 54 ka mga Badjao nga natipon sang Department of Social Services and Development (DSSD) sa ciudad ang Bacolod.
Suno diri, luyag sang BCPO nga mangin matawhay ang pagbyahe sang mga Badjao.
Apat ka mga pulis ang maga-upod sa ila nga pagbyahe.
Kun madumduman, nauna na napapauli ang 72 ka mga Badjao sa Zamboanga kun sa diin ang mga kapulisan nga nag-upod sa ila ang nakabalik na sa Bacolod.
-- ADVERTISEMENT --
