Nagdamo naman ang mga Badjao sa ciudad sang Bacolod bisan ginpapauli na ang mga ini sa Mindanao sang tinalikdan nga tuig.
Sa interview sang Bombo Radyo kay Vanessa Timblor, 12-anyos, iya ginpahayag nga nagapuyo ini sa ciudad sang Sagay apang nagapakilimos ini sa ciudad sang Cadiz antes nagpadulong sa Bacolod.
Tinalikdan na semana, nagsaylo ini sa Bacolod bangud ari naman diri ang iya mga pakaisa kag kahinablusan.
Suno diri, mangayo-kayo ini sang inugbakal sang pagkaon antes magbalik sa Sagay bangud wala sila sang makaon sa ila nga lugar kag tatlo pa ila nga mag-utod.
Si Timblor ang nagakanta kag nagasaot agud nga mag-entertain sang ginapangayuan niya samtang ang iban naman ang nagasaka sa jeep ukon nagakanta.
Sa bilog nga adlaw nga pagpangayo-kayo, si Timblor ang makatipon sang P100.
Sa karon, sila ang nagatinir sa pantalan sa malapit sa mall sa reclamation area apang sa masunod nga semana, mapauli na ang iban niya nga kaupod sa Cebu kag magapauli man ini sa Sagay.
Suno sa teenager nga Badjao, magabalik ini sa Bacolod sa MassKara kag sa bulan sang Disyembre.
Suno diri, wala ini nagakadto sa iban nga lugar bangud sa kahadlok nga madula.
