Ginalibot sang Department of Social-Services & Development (DSSD) – Bacolod ang mga area nga masami makit-an ang mga badjao kasunod sa report nga nagapamahog ang mga ini kun indi mahatagan sang kwarta.
Sa interview sang Bombo Radyo Bacolod kay Dr Richelle Verdeprado Mangga, pinuno sang DSSD- Bacolod, may yara sang mga reports nga kun indi paghatagan sang kwarta ang mga badjao, ila ginapahog ang mga tawo gamit ang mga patalom.
Suno diri, naglibot ang City Anti Medicancy Task Force sa BS Aquino kag Lacson st nga masami ginatiniran sang mga badjao.
Suno kay Mangga, sang Pebrero kag Marso, naglibot ang task force apang wala man sila sang may narekord nga badjao, apang kalabanan ang nagagwa basta may yara sang selebrasyon sa ciudad.
Pahayag sini, ila gina-upod ang Bacolod City Police Office, City Legal Office, Social Workers kag Non Government Organizations sa paglibot sa ciudad agud masunod ang insakto nga proseso para sa mga badjao.
