Ginpakigbahin sang isa ka mamalidha ang dugang nga mga pangalan nga mapaanggid sa grocery items kag ginaalegar naangot sa misuse sang P500 million nga confidential funds sa idalum sang Office of the Vice President ni VP Sara Duterte.
Ginpangalanan ni House Deputy Majority Leader Paolo Ortega V ang bag-o nga listahan bilang “Team Grocery” nga ginalakipan sang mga pangalan kaangay sang Beverly Claire Pampano, Mico Harina, Patty Ting, Ralph Josh Bacon kag Sala Casim.
Suno kay Ortega, daw mapaanggid sa isa ka shopping list para sa merkado ukon grocery ang nasambit nga mga pangalan.
Suno diri, kun indi matuod-tuod nga mga persona ang mga ini, diin nagkadto ang pondo.
Sang tinalikdan nga semana, gindisclose man ni Ortega ang ginaalegar fund recipients sa idalum sang “Team Amoy Asim” nga ginalakipan nanday Amoy Liu, Fernand Amuy kag Joug De Asim.
May mga dugang man ini nga recipients nga nakapangalan nanday Jay Kamote, Miggy Mango, Dongong Alcala, Dodong Bina, Dodong Bunal, Dodong Darong kag Dodong S. Barok.
