Ginalauman nga magadangat sa tubtob 16 ka mga bagyo ang posible nga magsulod sa pungsod humalin Agosto tubtob Disyembre subong nga tuig suno sa state weather bureau.
Suno sa ahensya, ginalauman ang peak sa masunod nga mga binulan.
Duha tubtob tatlo ka mga bagyo ang ginalantaw nga magasulod sa pungsod sa Agosto, duha tubtob apat humalin Setyembre tubtob Nobyembre kag isa tubtob sa duha sa Disyembre.
Santo sa historical records, masami nga ginabagyo ang pungsod kada Hulyo, Agosto kag Setyembre.
Mas mataas naman ang posibilidad nga madevelop ang La Niña sa Pilipinas apang sa karun nagapabilin nga neutral ang kondisyon santo sa climate pattern nga El Nino-Southern Oscillation.
Apang posible sa iban nga models, madevelop ang La Niña sa tunga sang Agosto kag Oktubre kag posible nga ma-extend tubtob sa Disyembre kag Pebrero 2025.
