Mga balay sa Bacolod nga sakop sang lockdown, masobra na 560

Masobra na 550 ang kabug-usan nga numero sang mga balay sa ciudad sang Bacolod nga sakop sang lockdown nga ginpatuman sang city government bangud sa presensya sang positibo nga kaso sang coronavirus disease.

Sa data nga ginpagwa sang Bacolod City Public Information Office, nagdangat na sa 564 ang kabug-usan nga mga ginlockdown sa masobra 30 ka mga barangay sa ciudad.

Nagikan sa kabug-usan nga 61 ka kabarangayan sa ciudad, 31 na mga sa mga ini ang may kaso sang COVID.

Nagapanguna sa may pinakamadamo nga numero sang balay nga nakalockdown amo ang Barangay 18.

Nahibaluan nga kahapon, nagdangat na sa 434 ang kabug-usan nga numero sang COVID cases sa Bacolod matapos madugangan sang 13 sang Biyernes kag 310 pa sa mga ini ang active cases.