Gin-anod ang madamo nga basura naggikan sa Manila Bay padulong sa suba sang Baclaran, sa Parañaque City kahapon, Agosto 10, tuga sang high tide kag pag-inulan.
Nabuta sang basura ang shoreline malapit sa Baclaran Church kasubong man ang sa may bahin sang LRT Redemptorist Station.
Bangud sa gatumpok nga basura, halos natabunan na ang ibabaw sang tubig sang suba.
Santo sa Parañaque City CENRO, ginkakibot nila ang gulpyada nga pagtipon sang basura bangud indi ini masami nagakatabo apang ginpaathag nga tuga ini sang hightide kag pagbubo sang madamol nga ulan.
Samtang, ginpahayag naman sang Metropolitan Manila Development Authority (MMDA) nga nagapadayon ang dredging sa lugar.
Mano-mano naman nga gintinluan sang taga-CENRO ang natipon nga basura malapit sa LRT-1 station sa Baclaran.
Ginabanta magalab-ot sa napulo ka truck ang kinahanglanon agud mahakot ang tanan nga nakolekta nga basura.
Nagpanawagan naman ang CENRO sa publiko nga indi maghaboy sang basura sa mga suba kag mga kanal.
Santo diri, ang natipon nga basura nga nagabara sa mga alagyan sang tubig amo ang mayor nga kabangdanan sang pagbaha.
Naglapaw na sa spilling level ang tubig sa La Mesa Dam kagab-i, matapos ang sunod-sunod nga mga pag-ulan tuga sang Habagat sa diin yara na sa 80.27 meters ang water level sang dam pasado alas-9:00 kagab-i, Agosto 10.
Santo sa PAGASA, mahimo nga mag-awas ang excess floodwater kun naglab-ot na sa 80.15 meter ang water level sang La Mesa Dam.
Posible nga maapektuhan sang pag-awas sang tubig ang mga low-lying areas malapit sa Tullahan River, kalakip ang pila ka bahin sang Quezon City, Caloocan City, Valenzuela City, Malabon City kag Navotas City.
Gin-abisohan sang PAGASA ang mga residente nga nagatinir sa mga nasambit nga lugar, ilabi na sa mga malapit sa suba, nga magpabilin nga alerto sa posibilidad sang flash floods.
