Indi obligado nga magdala sang COVID-19 vaccination card kag negatibo nga resulta sang RT-PCR ukon antigen test ang mga botante sa May 9, 2022 elections suno sa Commission on Elections.
Suno kay Comelec commissioner George Garcia, kinahanglan lamang nga magsuksok sang face masks ang mga magapadulong sa ila tagsa-tagsa nila ka mga voting precinct agud nga magboto.
Pagkatapos sini, gin-abisuhan sang opisyal ang publiko nga magpauli na kag indi magtambay pa sa presinto ukon sa buluthuan bangud may pagpamahog sa gihapon sang COVID-19 sa pungsod.
Suno diri, indi kuntani pag-iunderestimate ang protocol sang Comelec gani kun sila ang pagwaon na pagakatapos makapili, indi na sila dapat magtambay ukon mag-istoryahanay pa kun sin-o ang ila mga ginboto ukon wala.
Ginpahayag man ni Garcia nga may yara sang isolation polling places para sa mga botante nga nagasuprer sang COVID-19 symptoms sa adlaw sang Eleksyon.
Gindugang man sang commissioner nga apisar nga wala ginadumilian ang pagdala sang cellphone sa sulod sang polling precincts, gina-engganyo sini ang mga botante nga indi ini paggamiton agud malikawan ang mga indi pag-intindihanay.
