Ginpahayag sang mga botante sa ciudad sang Bacolod nga mas mahapos kag mas kumporme sila sa paggamit sang Automated Counting Machine (ACM) nga amo ang gamiton sa masunod nga eleksyon.
Sa interview sang Bombo Radyo kay Erma Paulmitan sang Brgy 37, gin-imbitahan ini sang brgy nga magpadulong sa Robinsons mall Mandalagan kun sa diin ginapatigayon ang roadshow agud matestingan sini ang ACM.
Suno diri, madasig lamang ang proseso kag mareview pa sini ang iya nga papel bangod nga touchscreen ang machine kag mahimo pa nga ma-zoom in kag zoom out agud makita ang iya ballot paper.
May yara man sang headset para sa mga may kabudlayan nga magboto nga amo ang maga-guide sa ila.
Ang machine ang may 14 hours battery life nga pananglitan magbrown out man, padayon lang ang pagbotohay.
Samtang, bisan gamay man ukon nagalapaw ang pagshade, ini ang mabasa sa gihapon sang machine apang kun sobra naman ang ginshade nga pangalan automatic na nga indi ini pagbasahon sang machine.
