Halos maubos man ang baligya nga bulak sang mga flower vendors sa likod sang Bacolod City Arts and Youth Sports Center (BAYS Center) subong nga tigkalalag.
Sa interview sang Bombo Radyo Bacolod kay Joven Rescuerdo sang Diutay’s Flower Shop, ginakalipay sini nga madamo sang bumalakal subong nga piyesta minatay indi kaangay tinalikdan nga tuig.
Sila ang nagbakal sang 16 ka karton sang bulak gikan sa Benguet kag sa karun madutay na lamang ang nabilin gani sila ang may-ara gid sang ginansya.
Suno kay Rescuerdo, nagdagsa gid ang mga bumalakal humalin sang Oktubre 30 tubtob kahapon Nobyembre 1.
Mas nangin mabakal naman ang ginabaligya nila nga bulak nga nabutang sa flower pot sangsa mga nakasulod sa basket.
Ang flower pot kag basket ang ginabakal lamang nila diri sa ciudad sang Bacolod, kag wala man sang pagtaas sa presyo.
Pahayag sini nga madamo man sang mga nagpareserve sa ila kag nagbulk order.
