Naglab-ot sa masobra 6,200 ka mga buluthuan sa nagkalain-lain nga bahin sa Mindanao ang naapektohan sang magnitude 7.8 nga linog kahapon, Hunyo 8, santo sa Department of Education (DepEd).
Base sa ahensya, kalakip sa mga apektado nga lugar ang mga rehiyon sang Zamboanga Peninsula, Northern Mindanao, Davao Region, Soccsksargen, kag Caraga.
Magluwas sa mga eskwelahan, ginabanta 3.2 million ka mga estudyante, masobra 128,000 ka mga manunudlo, kag iban pa nga school personnel ang apektado sang nasambit nga linog.
Suno kay DepEd Secretary Sonny Angara, nakapadala na ang DepEd sang mga structural engineer agud magpatigayon sang damage assessment sa mga buluthuan kag maghatag sang kinahanglan nga suporta sa mga regional team.
Ginpasiguro naman sang DepEd nga may nakahanda nga pondo kag emergency resources para sa pagrepair kag rehabilitasyon nga nagakinahanglan sang mas madako nga galastuhon.
Ginmando ni Angara sa tanan nga eskwelahan nga magpatuman gid sang earthquake drills kag paghanda sang mga tikang batok sa linog.
