Wala sang pagbag-o sa shedule sang byahe kasubong man nga wala sang dugang nga transportation unit ang Vallacar Transit Incorporated para sa bilog nga probinsya sang Negros Occidental.
Sa interview sang Bombo Radyo kay Jade Marquez, spokesperson sang Vallacar Tarnsit Incorporated, regular sa gihapon ang schedule sang byahe kag wala sang additional unit apisar nga balik normal ang byahe kag madamo ang pasahero.
Suno kay Marquez, pagalantawon pa kun may yara sang pagbag-o sa Disyembre 31 santo sa meeting nga patigayunon base sa resulta sang byahe sa Disyembre 24.
Apang pahayag ni Marquez, sa karun may yara sila sang supesyente nga unit kag may yara man natalana nga mga units para sa long distance nga byahe.
Ginpangabay sini sa mga pasahero nga yara sa maayo nga panglawason ang tagsa-tagsa kag maghalong sa gihapon sa pagselebrar sang Paskwa.
