Ginahulat na lamang ang desisyon sa kumpirmasyon sa pagdeklarar sang state of calamity sa pila ka mga ciudad kag banwa sa probinsya sang Negros Occidental nga naapektohan sang baha.
Nagrekomenda na ang City Disaster Risk Reduction Management Office (CDRRMO) sang La Carlota City nga ipaidalum na sa state of calamity ang ciudad.
Suno kay La Carlota City Mayor Rex Jalando-on, indi man gid dako ang halit sang baha sa ila lugar apang madamo sang evacuees bangod sa landslide incidents, baha kag pagpatuman sang pre-emptive evacuation.
Suno diri ang pagdeklarar sang state of calamity ang para may yara sang standby fund ang ciudad nga magamit, apang ini ang subject for confirmation pa.
Samtang, subject for confirmation man ang pagdeklarar sang state of calamity sa banwa sang Hinigaran.
Suno kay Hinigaran Municipal Mayor Jose Nadie Arceo, nagrekomenda ang City Disaster Risk Reduction Management Office (CDRRMO) ang deklarasyon sang state of calamity.
Madutay lamang ang mga evacuees apang madamo sang pmuluyo nga naapektohan sang pagbaha nga iban sa mga residente ang wala na naghalin pa sa ila nga balay.
Suno diri, madamo sang naapektohan nga pananum kag palangabuhian sang mga residente.
