Ginpahayag ni Bacolod City Councilor Al Victor Espino nga buwas, Miyerkules nga adlaw, mahibaluan ang mga committees sa Sangguniang Panlungsod sang Bacolod nga hatagan sang prayoridad.
Suno kay Espino, nakapatigayon naman sila sang caucus kag halos tanan man nga miyembro sang council ang present kalakip na ang sectoral representatives magluwas kay coucilor Em Ang.
Suno diri wala man ini makaintindi kun ngaa ginapamangkot gid ang mga ginaprayoridad nga mga committees bangud sang-una nga siya ang kabahin sang majority sa konseho wala man ini ginhambalan kun sa diin ini nga committee ibutang bangud may napaminsaran naman ang super majority kun sa diin siya ibutang apisar nga may naluyagan siya committee nga pamunuan.
Suno sa konsehal dapat kun nagpapili nga magserbe sa publiko dapat wala sang pili kun sa diin ini ibutang nga komiteba sa SP nga pagaalagaran.
Suno kay Espino, ginalantaw sini nga bilang nabilin nga senior nga councilor sa konseho bangud 18 anyos na siya nga nagapangalagad bilang konsehal sang syudad, nga isa ka dako nga pagpanghangkat ang ihatag sa iya nga committee.
Ginpahayag man sini nga interesado siya sa committee on laws sa Sangguniang Panlungsod bangud nakaserbe na ini nga vice chairman sang nasambit nga committee sang si anay councilor Dindo Ramos pa ang chairman.
