Ginpahayag sang pila ka mga environmental group nga posible maapektohan sang mainit nga tiyempo ang ikaayong lawas sang mga competitors sa Paris Olympics.
Gin-published sang British Association for Sustainable Sport and Frontrunners ang report nga “Rings of Fire: Heat Risks at the 2024 Paris Olympics”, nga nagabulig sa mga athletes sa pag-engage sa environmental issues.
Ginalauman ang pagsaka sang temperatura kasunod sang European summer, nga suno sa French national weather agency Meteo-France ang init nga mabatyagan ang mas mataas kumpara sa nakaligad.
Nangin major issue man ang Heat kag Humidity sa Tokyo Olympics kun sa diin madamo sang mga atleta ang nag-eksperyensya sang kabudlayan.
Suno sa International Olympic Committee (IOC), may yara na sang mga tikang nga ginadihon kag ini ginalakipan sa pag-review sa schedule sang competition agud malikawan ang tuman ka init.
Dugang pa sang IOC, nagapanguna sa prayoridad nila nga mahatag ang best kag safe nga pagpatigayon sang Olympic Games.
