Isa naman ka grassfire ang nagluntad sa bahin sang Golden Palm Subdivision, Barangay Estefania, Bacolod City kahapon sang hapon.
Ginlamon sang kalayo ang mga laya na nga kugon sa bakante nga lote.
Apang ang isa sa mga barracks sang mga construction worker nga nagatrabaho sa ginadevelop nga subdivision ang gintupok man sang kalayo.
Wala sang nasalbar nga gamit ang mga construction workers.
Suno kay Charlie Titulen sang Barangay Sincang-Airport kag isa mga construction workers,sa laya nga kugon nag-umpisa ang sunog kag ginkuhaan pa nila ini sang tubig kag ginbasyahan apang nagdako nagid ang kalayo.
Suno diri, bangud nga laya na ang mga kugon kag mahangin , madasig maglapta ang kalayo kag nalakip ang ginatulugan sang mga ini kag ginabutangan sang ila mga gamit sa nasunog.
Magluwas sa Barracks sang mga construction workers, wala naman sang nadalahig pa.
May nakastandby naman nga katapo sang Bacolod Fire Station kag fire volunteers agud nga masiguro nga sang structures nga madalahig sa sunog.
Pasado alas 4:00 ang takna kahapon sang hapon, undercontrol na ang nagluntad nga grassfire.
