Ginpahayag sang Community Relations Officer sang Negros Electric and Power Corporation nga wala sang problema kun magbayad sang bill sa ila third party collection agents.
Suno kay Unice Castillon, nagpreparar ang NEPC sang mas hapos nga pamaagi para sa mga konsumedores nga luyag magbayad sang ila bill.
Mahimo nga makabayad sa banko, sa non-bank partners nila kag sa mga malls basta ini ang kabahin sang ila third party collection agents.
Suno diri, mas maayo nga dala ang current bill agud mabal-an ang account number bangod iban nagabayad sa account number nga iya pa sang Central Negros Electric Cooperative (Ceneco).
Mahimo man makabayad sa mga third party collection agents bisan nga naglapaw na sa due date, may notice of disconnection, kag bisan pa nga nautdan na.
