Ginpatpat ni Bacolod City Lone District Congressman Greg Gasataya ang mga proyekto nga dako ang benepisyo sa mga Bacolodnon.
Isa mga ini ang Bacolod-Negros Occidental Economic Highway ukon BANOCEH ang original nga para lamang kuntani sa Bacolod apang ginhambalan ini sadto ni Bacolod City Mayor Alfredo Benitez sang 2016 nga maghimo sang resolution nga nagaextend sang BANOCEH sa Victorias City kag ciudad sang Silay.
Suno kay Gasataya si Benitez man ang naghambal sa iya nga maghimo sang tikang agud nga maconnect ang Bacolod sa iban nga bahin sang probinsya sang Negros Occidental gani sa karun may yara na sang Alangilan to Bacolod Diversion paagi sa bypass road.
Bangud man sa bulig sang alkalde nga kongresista sadtong 2017 natigayon ang diversion chanel nga makabulig sa tion nga magbaha sa ciudad sang Bacolod kag sa karun 61 percent complete na ini suno sa Department of Public Works and Highways (DPWH).
Samtang sa ikaayong lawas naman, may yara man sang gintukod nga Bacolod City General Hospital.
Dugang pa ang pagpatukod sang bag-o nga cancer care center sa Bacolod City agud nga maaddress ang kinahanglanon sang cancer patients sa ciudad.
Inu ang gin-anunsyar ni Gasataya sa public consultation sa city’s master plan and stakeholders’ development agenda kahapon.
Ang pasilidad ang ginalauman nga matapos sa April 2025.
Ang P34 million project, ang yara sa first phase, kun sa diin ginatukod ang two-story building sa sulod sang Corazon Locsin Montelibano Memorial Regional Hospital (CLMMRH) compound sa Lacson Street, Bacolod City.
Suno sa kongresista ang inisyatibo ang bangud sa nagasaka nga numero sang cancer cases, particular na ang breast cancer, sa Bacolod City kag Negros Occidental.
