Hilway na nga maagyan ang dalan Lacson kasubong man ang mga dalan sa downtown area sang Bacolod City.
Ini matapos nga napangkakas na ang kiosks kag mga stage nga ginplastar para sa Masskara Festival 2026.
Sa interview sang Bombo Radyo Bacolod kay Police Major Elmer Bonilla, pinuno sang Bacolod Traffic Enforcement Unit, Oktubre 19 pa lang ginpangkakas na ang kiosks sa dalan Lacson kag sa bahin sang Bacolod City Public Plaza apang wala lamang sini nasiguro ang kiosks sa atubang sang San Sebastian Cathedral kun nakakas na bangud sa masami naga-extend ang mga ini.
Sa pihak nga bahin, wala man sang narekord ang Bacolod Traffic Enforcement Unit nga traffic incidents samtang ginapatigayon ang Masskara Festival 2026.
Ini sa pihak sang kadamuon sang mga tawo nga nagpadulong sa ciudad sang Bacolod agud nga magsinadya sa Masskara Festival.
Suno kay Bonilla kun may narekord man nga traffic incident wala ini sang kahilabtanan sa nasambit nga festival.
