“Mag-inom sang madamo nga tubig” ang nagapanguna nga abiso sang Bacolod City Health Office karun nga mataas ang Heat Index.
Sa interview sang Bombo Radyo Bacolod kay Dr Grace Tan, head sang Environment and Sanitation Division sang Bacolod CHO, dapat man nga seguruhon nga safe potable drinking water ang inumon agud makalikaw sa dehydration kag iban pa nga pamalatian.
Dugang pa sini nga dapat magtinir man sa mahandong kag mabugnaw nga lugar.
Kun indi malikawan nga magpainit, panugyan ni Tan nga magsuksok sang indi tuman ka damol nga long sleeves kag malapad nga kalo.
Dapat man nga likawan ang alcohol ukon makahulubog nga ilimnon kag sobra-sobra nga pag-inom sang kape kag tsaa bangod ang mga ini ang madasig nga makapaihi nga makadrain sang fluids sa lawas.
Kun may gina-inom nga maintenance nga bulong, seguruhon man nga ini ang indi malaktawan.
Pahanumdom naman ni Tan sa mga ginikanan nga may mga estudyante nga pabalunan ang mga ini sang matinlo nga mainom nga tubig.
Responsibilidad man sang mga ini nga pahanumdoman ang mga kabataan nga indi basta-basta magbakal sang mga processed drinks sa higad-higad kaangay sang mga palamig bangod indi maseguro kun safe ang tubig nga gingamit kasubong man ang sa paghimo sang ice.
Likawan man ang mga matam-is nga ilimnon kaangay sang softdrinks
