BACOLOD CITY – Ginalauman nga maga-inabot na subong nga adlaw ang mga delegado para sa 15th meeting sang ASEAN Senior Officials Responsible for Information (SOMRI) nga hiwaton sa SMX Convention Center sa ciudad sang Bacolod.
Ang duha ka adlaw nga event nga magasugod bwas nga adlaw tubtob sa Marso 23, ang pagatambungan sang 80 ka mga delegado nga ginalakipan sang mga senior representatives gikan sa ministries in charge sang mga operasyon sa napulo ka ASEAN member-states subong man mga opisyal gikan sa ASEAN Secretariat.
Nagapungko nga chairman sang SOMRI si Undersecretary Noel George Puyat sang Presidential Communications Operations Office (PCOO).
Ang agenda sang pagsinapol sa Bacolod ang magasentro sa mga stratehiya agud mapabaskog ang awareness, understanding kag appreciation sang ASEAN community kag policy recommendations kag pag dihon sang mga programa agud mapabakod ang impormasyon kag media sectors sang ASEAN member states.
Pagadiskusyunan man sang mga SOMRI Leaders ang progress sa implementasyon sang mga work programs kag related activities klakip na ang ASEAN Strategic Plan for Information and Media 2016-2025.
Ginalauman man nga pabakuron sang mga ini ang joint activities para sa ASEAN Information sector kag komemorasyon sang 5Oth Founding Anniversary sang ASEAN sini nga tuig.
Ang Pilipinas, bilang chair sang ASEAN 2017, ang maga-host sang grand commemorative celebration sang ASEAN@50 sa Augusto 8 kag ang SOMRI ang gina haylo nga pasanyugon pa ang campaign awareness para sa ASEAN community.
