Nagapasalamat ang pinuno sang Department of the Interior and Local Government (DILG) Bacolod nga naturn-over na ang mga dokumento sang ciudad sa bag-o nga administrasyon.
Kahapon, natapos ang transition team meeting antes ang alas-12:00 sang udto, sa tunga sang team ni former Mayor Evelio ‘Bing’ Leonardia kag Mayor Alfredo ‘Albee’ Benitez.
Suno kay DILG Bacolod Head Ma. Joy Marideth Madayag nangin smooth ang transition nga ginpatigayon kahapon.
Nagapasalamat ini nga mareport na ang full compliance sa regional office kag ini ang madinalag-on santo sa memorandum circular 2022-029 kag 2022-0063.
Samtang, yara na sa karun sa kustodiya sang appointed secretary to the mayor ni Benitez ang mga dokumento nga ginturn-over.
Suno kay Bacolod City Lone District Congressman Greg Gasataya nga amo ang pinuno sang transition committee sang Benitez administration, may mga pamangkot sila nga ginraise kaangay sang tuhoy sa mga equipments, salakyan kag mga propedad sang gobyerno kag ginpang-isa-isa ang mga dokumento.
