Magapangatubang sa kaso nga plunder ang mga opisyal kag contractors nga imbolbado sa ghost projects.
Ini ang ginhighlight ni House Infrastructure Committee Chairman Terry Ridon matapos ginsuguran sang komite ang ila imbestigasyon natuhoy sa ginatawag nga flood control mafia.
Suno kay Ridon, ang ila imbestigasyon ang sabat sa panawagan ni President Ferdinand Marcos Jr. nga imbestigahan ang tanan nga flood control projects partikular na ang mga ghost, substandard kag sobra sa presyo nga mga proyekto.
Una nga gintumod sang komite ang P55 million nga ghost kag substandard flood control projects sa Baliuag, Bulacan nga personal nga nadiskubre ni President Ferdinand Marcos Jr.
Suno kay Ridon, dapat nga manabat ang mga imbolbado sa anomaliya kag dapat pasakaan sang plunder.
