Aminado ang driver sang public utility jeepney nga nagabyahe Handumanan-Libertad vice versa nga apektado ang ila nga income bangud sa Libre Sakay Program sang Office of the Vice President apang wala sila sang may mahimo bangud programa ini sang gobyerno.
Ang bus nga nagatanyag sang Libre Sakay ang may 37 ka pasahero kada trip kag makaisa ka beses man lang nagasulod sa isa ka ruta kada semana.
Ang ruta ang nagadulog sa Bacolod City Public Plaza antes magbalik sa point of origin.
Sa interview sang Bombo Radyo kay Crisanto Siason, OK ang programa nga Libre Sakay sa mga commuter bangud may mga himata man ini nga mahimo makasakay sa bus apang aminado ini nga apektado gid ang ila nga income.
Suno diri, mabuhinan ang income nga madala niya papuli bangud hingalitan sang mga pasahero ang bus nga libre lang ang pamasahe.
Nagalaom ang driver nga mahimo nga makabawi na sila kun magresume na ang face to face classes bangud nagasaka ang presyo sang gatong.
Sa karon, P20 ang plete sang mga pasahero nagikan sa Libertad Market padulong sa Barangay Handumanan.
Apang bangud programa ini sang Office of the Vice President, wala na sila sang mahimo kundi ini ang respetuhon bangud bisan ang pamilya nila ang maka-avail man sang Libre Sakay.
