Nagpresentar ang mga prosecutors sang gobyerno sang mga ebidensya kag isa ka witness sa hearing sang qualified human trafficking case batok kay Bamban, Tarlac Mayor Alice Guo.
Ini apisar nga ginpanginwala sang iya kampo nga kilala sini si Philippine Offshore Gaming Operators (POGO) godfather Lyu Dong.
Isa ka opisyal nagikan sa Presidential Anti-Organized Crime Commission ang labing una nga witness nga ginpresentar sang prosecutor sa sugod sang hearing para sa bail petition ni Guo kag iban pa nga akusado.
Sila ang nagapangatubang sang qualified human trafficking charges sa Pasig Regional Trial Court Branch 167 natuhoy sa illegal POGO operations sa banwa sang Bamban.
Suno kay prosecutor Olivia Laroza-Torrevillas, nagtambong ang witness agud maghatag sang overview kun paano ginkomiter ang qualified trafficking sa sulod sang compound sang Bao Fu.
Ang mga ebidensya ang pagagamiton ang mapunggan ang bail petition ni Guo kag sang iban pa nga mga accused sa human trafficking case.
