Igapasa na sang National Bureau of Investigation sa Department of Justice prosecutors ang ebidensya natuhoy sa mga pahayag ni Vice President Sara Duterte batok kay President Ferdinand “Bongbong” Marcos Jr. kun indi ini makatambong sa imbestigasyon sang Biyernes agud ipabutyag ang iya bahin.
Ini matapos ginmove sang House of Representatives Committee on Good Government and Public Accountability ang hearing natuhoy sa paggamit sang confidential funds sang Office of the Vice President humalin subong nga Biyernes padulong sa iban nga petsa.
Una na nga ginpahayag ni Duterte nga iga-prioritize sini ang House inquiry kag indi na magtambong sa NBI investigation.
Madumduman nga nagpagwa sang subpoena ang NBI natuhoy sa mga pahayag ni Duterte kun sa diin ginsugo sini ang isa ka persona nga patyon si Marcos, First Lady Liza Araneta Marcos, kag House Speaker Martin Romualdez kun siya ang mapatay.
