Ginapanawagan sang BACIWA Employees Union kag Talisay City Government Employee for Reform nga padasigon ang paghatag sang resolusyon sa ila ginapadangat nga reklamo sa Civil Service Commission, nga tubtob subong wala pa madesisyunan.
Kaina sang aga, nagdungan ang mga empleyado sa pagpatigayon sang rally sa atubang sang CSC.
Sa interview sang Bombo Radyo Bacolod kay Benjie Oray, Vice President sang BACIWA Employees Union, ginpahayag sini nga nagpatigayon sila sang protesta sa atubang sang field office sang CSC Bacolod, bangud wala pa gid nagpagwa sang resolusyon ang civil service commission sa ila ginareklamo nga pagpahalin sa ila sang BACIWA bangud sa redundancy of employees sadtong Enero.
Samtang, ginpahayag man ni Ronie Nochete Vice Presidennt, Talisay City Government Employee for Reform, nga luyag lamang nila sang pagpatuman sa una nga resolusyon nga ginpagwa sang Civil Service Commission sa syudad sang Talisay nga ibalik sila sa ila trabaho sa Talisay City, nga wala gintuman sang LGU sang Talisay sa pagpanguna ni Mayor Niel Lizares.
Nabayaran naman sila nga walo apang wala pa ginrelease ang tseke sa ila kag wala pa ini gin execute, bangud ginahulat pa ang desisyon sang court of appeals.
