Gin-athag sang general manager sang Central Negros Electric Cooperative (CENECO) nga ang pagpadulong sang mga empleyado sang CENECO sa opisina sang More Power Corporation sa ciudad sang Bacolod ang kabahin sang familiarization kag benchmarking sang mga empleyado.
Sa interview sang Bombo Radyo Bacolod kay Atty. Arnel Lapore, per batch ang pagpadala sang mga empleyado sa ciudad sang CENECO sa operasyon sang More Power Corporation.
Suno kay Lapore, ginahanda na ang mga empleyado halin sa costumer service tubtob sa linemen kun ano ang dapat lauman sang mga ini sa tion nga magoperate na ang Negros Electric Cooperative (NEPC).
Sa karun may yara pa sang nabilin nga kapin apat ka batch nga natalana magpadulong sa ciudad sang Iloilo sa opisina sang More Power Corporation.
Ginabug-usan sang 30 tubtob 40 ka mga empleyado ang tagsa ka batch nga nagapadulong sa ciudad sang Iloilo.
Suno sa general manager, ang mga empleyado ang nagakuha man sang mga insight nagikan sa operasyon sang More Power Corporation.
Ginpahayag man sini nga ang mga retirable nga mga empleyado sang CENECO ang pagabayaran man ukon makakuha man sang severance pay ukon pagpasiguro nga macompensate man ang serbisyo sang mga ini sa nasambit nga electric company.
Wala man sila sang narecord nga official nga nagaprotesta batok sa JVA.
