Ginalauman sang grupo sang Progressive Alliance of Capitol Employees (PACE) – Negros Occidental nga mas madako ang mabaton nga bonus sang empleyado sang provincial capitol sini nga Disyembre kumpara sa nakaligad nga tuig.
Suno kay Randy Peacita, presidente sang PACE- Negros Occidental, nakaligad nga tuig kapin sa P55,000 ang nabaton nga bonus sang mga empleyado amo nga sa karun ginalauman sini nga mas dako pa ang mahatag nga bonus.
Ginahulat lamang nila ang opisyal nga pag-anunsyar ni Governor Eugenio Jose ‘Bong’ Lacson kun pila ang bonus nga mabaton nila kag ini ang iya masami nga gina-anunsyar sa Christmas Party sang probinsya.
Suno kay Peacita sa Disyembre 13, sa ila nga Christmas party mahibaluan kun bala may yara pa gid sang dugang nga bonuses.
Samtang, wala pa sa gihapon nahatag ang Performance-Based Bonus (PBB) sa mga empleyado samtang wala pa ang guidelines gikan sa Department of Budget and Management (DBM).
