183 ka mga buluthuan sa kabug-usan nga Region 6 ang apektado sa paglupok sang bulkan Kanlaon.
Sa interview sang Bombo Radyo Bacolod kay Hernani Escullar Jr., public information officer sang DepEd Region 6, 113, 492 ka mga learners ang apektado.
Suno diri, sa ciudad sang Bago, 47 ka mga buluthuan ang apektado nga may 36,700 leraners; sa ciudad sang La Carlota, 30 ka buluthuan ang apektado nga may 17,694 learners; sa probinsya sang Negros Occidental 98 tanan ka mga buluthuan ang apekatdo nga may 55,395 learners kag ciudad sang San Carlos nga may walo ka buluthuan nga may 3,752 learners.
Suno kay Escullar, ang mga apektado nga buluthuan ang magapatigayon sang Dynamic Learning Program kun sa diin basta may gadget ang estudyante bisan wala pa ini sang internet mahimo sini sa gihapon mapadayon ang iya pagtuon.
Parallel class lamang ang patigayunon kun sa diin kalabanan activities lang ang ubrahon sang estudyante.
