Mahimo magpatuman sang modular distance learning (MDL) modes ang mga eskwelahan sa Western Visayas sa tunga sang extreme weather condition sa tion sang bulan sang summer a idalom sang memorandum nga ginpagwa sang Department of Education, suno sa spokesperson sang Department of Education Regional Office 6.
Sa interview sang Bombo Radyo Bacolod kay Hernani Escullar, santo sa memorandum nga ginpagwa sang Department of Education undersecretary for operation, nakabutang diri nga ang mga schools heads kag with coordination sa division school superitendent ang mahimo nga magshift sa alternative delivery mode (ADM) sa tion nga maeksperyensyahan ang tuman ka init nga panahon agud nga maproteksyuanan ang mga estudyante kasubong man ang mga manunudlo.
Suno kay Escullar, kinahanglan nga magcoordinate ang mga school heads sa division school superitendent bangud sa ginpagwa nga memorandum bangud kinahanglan sang monitoring agud nga masiguro nga ang mga estudyante ang nakakuha sagihapon sang kalidad nga edukasyon apisar nga yara ang mga ini sa ila nga mga puluy-an nga nagapadayon sang ila pagtuon.
Ginpahayag man sini nga ginhatagan sang DepEd sang otoridad ang mga eskwelahan nga magpatuman sang pagshift sa alternative delivery mode (ADM) bangud ang ahensya ang indi man makapatuman sang one size fit all nga solution bangud nakahibalo man ang DepEd nga lain-lain ang sitwasyon sa karun sang mga eskwelahan.
Suno diri ang tuman ka init nga panahon ang indi man mabatyagan sa tanan nga bahin sang Pilipinas gani ginpagwa ang nasambit nga memorandum.
Suno kay Escullar, kinahanglan nga masunod ang 205 school calendar days sang mga estudyante nga yara sila sa classroom apang kun magashift ang mga ini sa ADM ang counted man ini sagihapon.
Natalana sa July 10 tubtob 14 ang end of school year rites para sa school year 2022-2023
