Diri sa Pilipinas may yara sang mga exclusive schools kag ang kalabanan nga nagaeskwela diri ang mga estudyante nga nagikan sa mga manggaranon nga pamilya kag ang pinakamahal nga tuition ang yara $5000 ukon P257,650.00 kada tuig.
Aton naman bisitahan ang pinakamahal nga board school sa bilog nga kalibutan.
Ini ang Institut Le Rosay, ang ginakonsiderar nga pinakamahal nga eskwelahan sa bilog nga kalibutan kun sa diin ang tuigan nga tuition sa kada estudyane ang nagalapaw sa $130,000 ukon 6.5 million pesos.
Ang Switzerland ang lugar sang pila ka mga pinakamahal nga exclusive schools sa bilog nga kalibutan.
Ang nasambit nga European country ang may yara sang kapin napulo ka mga eskwelahan nga may yara sang tuigan nga tuition nga nagasobra sa $75,000, apang ang pinakamahal sang tanan ang Institut Le Rosay, ang pinakadugay, reputed nga boarding school nga may yara sang ultra-impressive list sang alumni.
Ang Le Rosay ang may yara sang rason nga nakilala ini nga “school of kings.
Pila sa mga naggraduate sa Le Rosay amo sanday King Juan Carlos sang Spain, King Fuad II sang Egypt kag King Albert II sang Belgium kasubong man sanday Shah sang Iran, ang Aga Khan kag Princess Marie-Chantal sang Greece, kag madamo sang iban pa.
Diri man nag-eskwela ang mga kilala nga pamilya sa Europe sa sulod na sang masobra isa na ka siglo, gani indi makatilingalahan nga ang Institut Le Rosay ang may yara sang annual tuition fee nga masobra $130,000 ka da estudyante.
Gintukod ang nasambit nga eskwelahan sa 1880 ni Paul Carnal, ang Institut Le Rosay ang nagaisahanon nga boarding school nga may duha ka campuses, ang sprawling complex sa Le Rolle, sa edge sang Lake Geneva, ini ang ginkompleto sa Olympic-size swimming pools, tennis courts, shooting range, equestrian center, kag sang 40 million pounds concert hall, kasubong man sang winter campus sa Gstaadt, kun sa diin kalabanan nga mga estudyante ang naga-skiing kada hapon.
Samtang ang facilities sa Le Rosay ang mapa WOW ka nalang bangud may yara ini sang 150 ka mga manunudlo sa tagsa 420 ka mga estudyante.
Ang average nga estudyante sa kada klase ang yara lamang sa napulo agud nga masiguro nga tanan sa mga ini ang makakuha sang nagakadapat nga attention.
