Nagapangulihi ang mga estudyante sa Pilipinas sa bahin sang creative thinking kun ikumparar sa mga estudyante sa iban nga pungsod, santo sa data sang Programme for International Student Assessment (PISA).
Sang 2022 cycle, gintakos sang PISA ang creative thinking ukon ang abilidad agud mag-generate, evaluate kag mag-imprubar sang mga idea agud makaproduce sang orihinal kag epektibo nga solusyon, advance knowledge kag makahimo sang impactful expression sang imagination sang 15-anyos nga mga estudyante.
Bangud sa isa ka PISA score nga 14, nagrank ang Pilipinas nga 60 sa 62 ka mga pungsod kag mga ekonomiya nga nagpartisipar sa nasambit nga assessment.
Suno sa PISA, ang mga estudyante sa Pilipinas ang may pinakamanubo nga performance sa creative thinking.
Ang Singapore ang nakascore sang mas mataas sang sa tanan nga nagpartisipar nga mga pungsod kag ekonomiya sa creative thinking.
Ang mga estudyante nagikan sa Korea, Canada, Australia, New Zealand, Estonia, Finland, Denmark, Latvia, Belgium, Poland kag Portugal ang nagperform man sang mas mataas sa Organization for Economic Cooperation and Development average.
Sa una nga pagtulun-an sang PISA, nagapakita nga ang mga Filipino nga mga estuydante ang nakaangkon man sang pinakamanubo nga scores sa pagbasa, math kag science.
