Mga evacuees bangud sa paglupok sang Bulkan Kanlaon sa La Castellana, Negros Occidental, maayo ang sitwasyon sa evacuation center

Wala man sang nangin problema ang mga evacuees sa banwa sang La Castellana, Negros Occidental kasunod sang pag-evacuate sang mga residente bangud sa paglupok sang Bulkan Kanlaon sang Lunes sang gab-i nga ginsundan ang pag-ilig sang lahar sang Miyerkules sang hapon.

Suno kay Peter Repanto, isa sa mga evacuees, maayo man ang ila sitwasyon kag nahatag man sang local government unit ang kinahanglan sang mga ini sa evacuation center.

Ginpahayag man sini nga bisan nga magtinir pa ang mga ini sa evacuation center tubtob sa Sabado ang wala man sang problema.

Apang aminado man ini nga wala na ini nakahibalo kun ano na ang sitwasyon sang nabilin sini nga mga kasapatan.