Magapabilin sa paghinakop sang ila tagsa ka Barangay ang mga evacuees nga nagapuyo sa sulod sang 4 km radius Permanent Danger Zone sang Bulkan Kanlaon tubtob nga wala pa nagpanaog sa Alert Level 1 ang status sang bulkan.
Sa interview sang Bombo Radyo Bacolod kay John De Asis, pinuno sang La Castellana Municipal Disaster Risk Reduction and Management Office, sila ang nagasunod lamang sa National Directives santo sa Alert Level nga ginadeklarar sang Philippine Institute of Volcanology and Seismology (PHIVOLCS).
Sa karun ang mga evacuees nga yara na lamang sa 15 ka pamilya ukon 50 ka indibidwal gikan sa Barangay Biak na Bato kag Masulog sa banwa sang La Castellana.
Ang mga ini ang wala na sa evacuation centers bangod nagadangat sa 20 kilometros ang kalayuon sini sa ila palangabuhian, sa baylo sila ang yara na lamang sa kamot sang tagsa nila ka Barangay.
Paathag ni De Asis nga pagpananom sang utanon kag mga kararuton ang masami palangabuhian sang mga residente.
Sa karun ang Barangay ang naga-amuma sa mga evacuees samtang ang Municipal Government ang padayun man sa pagpadala sang suporta pinaagi sa mga goods kag food items.
Sila ang may scheme man kun sa diin sarang lamang makalog-out ang mga residente sa evacuation site kun maggwa, agud nga sila ang makatrabaho apang dapat nga magbalik lamang sa gab-i.
Sa karun padayun pa ang preparasyon sang local government unit (LGU) inkaso nga liwat maglupok ang bulkan.
