Pito ka purok sa Brgy Sum-ag kag apat ka purok sa Brgy Pahanocoy sa ciudad sang Bacolod ang apektado sang pagbaha.
Suno kay Earl Edward Ramirez, Chief of Operations sang Disaster Risk Reduction & Management Office (DRRMO)- Bacolod, 47 ka mga pamilya ukon 165 ka mga indibidwal ang gin-evacuate gikan sa purok Fatima 1 kag 2, purok San Jose 1 kag 2, purok Nami-nami, Kaisahan kag New Econimic Highway sa Brgy Sum-ag.
Samtang, walo naman ka pamilya ukon 29 ka inidibidwal ang apektado sa purok Villa Lourdes, Hanapbuhay, Maninihon kag NHA4 sa Brgy Pahanocoy.
Suno kay Ramirez, ang baha ang resulta sang mabaskog nga pag-ulan humalin kagab-i tubtob kaina sang kaagahon.
Suno pa diri, wala naman sang pag-ulan sa karun apang may yara pa sang ginapaabot nga pag-ulan sa masunod nga inadlaw.
Nagpasalig man ini nga nakahanda ang DRRRMO sa pagrespond kag nakig-angot na ini sa Philippine Army kag Philippine Coast Guard pananglitan nga kinahanglan sang augmentation bangod iban sa ila personnel ang gindeploy sa festival sites sang Masskara Festival sa ciudad sang Bacolod.
