Nagahimo na sang tikang ang mga health officials sa probinsya sang Negros Occidental agud masiguro nga indi matapikan sang waterborne diseases ang mga evacuees sa banwa sang La Castellana kasunod sang volcanic eruption kag lahar flow sang tinalikdan nga semana.
Suno kay Negros Occidental Provincial Health Officer Dr. Girlie Pinongan, ang personnel sang Department of Health-Western Visayas kag Provincial Health Office ang nagpadulong sa banwa sang La Castellana, Negros Occidental kahapon agud nga magpatigayon sang water testing sa mga ginakuhaan sang tubig nga mahimo nacontaminate sang ash fall.
Ginpahayag man ni Pinongan nga nagapatigayon man sila sang education campaign agud nga magpahanumdom sa mga evacuees kag mga residente nga siguruhon nga ang ginainom nila nga tubig ang matinlo.
May yara man sang donation sang mainum nga tubig.
Apang ang ginagamit nga magpaligo ang tubig nga nagikan sa evacuation center.
Gani sa karun, luyag nila siguruhon nga safe ang tubig agud nga malikawan ang mga waterborne diseases.
Ginapanugyanan man ang mga pumuluyo nga nagbalik na sa ila puluy-an ukon ang wala nag-evacuate nga dapat siguruhon matinlo ang ginagamit kag ginainum nga tubig agud nga malikawan ang pagbalatian.
