Nag-amat-amat na balik sa tagsa nila ka mga puluy-an ang mga residente nga nag-evacuate kasunod sang nagluntad nga pagbaha bangud sa Southwest Monsoon sa probinsya sang Negros Occidental.
Sa interview sang Bombo Radyo Bacolod kay Negros Occidental Provincial Disaster Risk Reduction and Management Office (PDRRMO) Head Irene Bel Ploteña, 1854 ka pamilya ukon 7936 ka individual ang nagapabilin sa evacuation centers.
Suno kay Ploteña, ginasiguro lamang sang mga nabilin nga evacuees nga nagsubside na ang tubig sa ila nga mga lugar.
Nag-una na ang pila ka mga evacuees nga nagbalik sa ila balay agud nga makita ang sitwasyon sang ila kag maatipan man ang gibilin nga mga kasapatan.
Nagpanugyan man ini sa tanan nga mag-aligmat kag imonitor ang dalagan sang panahon
