Wala na sang nabilin nga evacuees sa mga evacuation centers sang nagkalain-lain nga Local Government Units sa Negros Occidental.
Sa interview sang Bombo Radyo Bacolod kay Irene Bel Ploteña, pinuno sang Provincial Disaster Risk Reduction Management Office, wala na sang evacuation center kun sa diin nag-evacuate bangud sa mga pag-inulan dala sang Bagyong Jacinto nga nagland fall sa Luzon kag Hangin Habagat.
Suno kay Ploteña, nakapauli na sa tagsa ka mga puluy-an ang 166 ka mga pamilya.
Suno diri sa ila monitoring may yara sang nagluntad nga pagbaha sa banwa sang ilog nga nagsubside naman sang Huwebes.
Samtang sa landslides nga nagluntad sa Sipalay City ang passable naman apisar nga may mga lugar sagihapon nga kinahanglan i-clearing.
Kahapon narecord man ang landslide sa Barangay Caningay, banwa sang Candoni kun sa diin ini ang one-way passable.
Ang mga nagpatuman sang class suspension nga mga LGUs ang nakabalik naman sa pagklase kahapon.
May yara man sang duha ka mga balay sa ciudad sang Sipalay nga partially damage bangud sa malain nga tiyempo.
