Wala pa nakapauli ang mga evacuees nga yara sa Sum-ag Elementary School sa Brgy Sum-ag, Bacolod City matapos nga ginrescue kag gin-evacuate kahapon bangod sa pagbaha tuga sang pag-ulan nga dala sang tropical storm Kristine.
Sa interview sang Bombo Radyo kay Earl Edward Ramirez, Chief of Operations sang Disaster Risk Reduction & Management Office (DRRMO) – Bacolod, nagdangat sa 111 ka mga pamilya ukon 356 ka mga indibidwal ang gin-evacuate sa Bgy Sum-ag samtang ang mga evucees naman sa Brgy Pahanocoy ang lunsay nakabalik na sa ila mga puluy-an.
Suno kay Ramirez, nagsubside na ang tubig sa bahin sang Brgy Sum-ag apang wala pa ginpapauli ang mga evacuees samtang may ginalauman pa nga mga pag-ulan.
Padayon man ang pagpanagtag sang food packs kag non-food items sa mga evacuees.
