Nakaplastar na ang mga fish vendors sa ginkaayo nga Fish Section sang Burgos Public Market.
Nahibaluan nga sang tinalikdan, ginsaylo ang mga fish vendors sa pihak nga bahin sang merkado kadungan sang renovation sang merkado.
Suno sa fish vendor nga si Leonora, mas maayo na ang ila kahimtangan sa karon nga yara na sila sa renovated nga bahin sang merkado.
Isa ka metro ang kalaparon sang pwesto sang kada fish vendor nga human na sa tiles.
Suno kay Leonora, P100 ang renta nila sa pwesto kada adlaw, apang wala pa diri nalakip ang bayad sa kuryente nga P30 para sa anom ka suga kada adlaw.
May lain naman nga suga para sa bilog nga merkado nga iya sang city government.
Suno kay Leonora, ginalauman nga mahuman ang pihak nga bahin sang merkado sa masunod nga bulan.
