Ipaidalom sa profiling ang mga pila ka mga mananagat sa ciudad sang Bacolod kasunod ang mga reklamo nga wala nalakip ang mga pangalan sa mga benepisyaryo sang Presidential Assistance to fisherfolk, farmers and families (PAFFF).
Sa interview kay Punong Barangay Lady Gless Pallen, President, Liga ng mga Barangay, sang natapos ang State of the City Address ni Bacolod City Mayor Alfredo Benitez, gin-instructionan ini nga iprofile ang mga manugpangisda kag icategorized ini.
Suno kay Pallen, ginaverify nila sa karun ang manugpangisda apang ang listahan sang mga ini magahalin sa Fisherfolk Association antes ipasa sa barangay agud nga iverify.
Ini agud matumod nga ang mga ini ang miyembro sang mga asosasyon kag residente sang ciudad sang Bacolod.
Paathag pa ni Pallen nga ang ginatawag nga “fisherfolk” amo ang mismo nagapangdakop sang isda kag indi ang nagabaligya sang isda.
Ginapahayag nga ang mga fisherfolk ang nagikan sa Barangay Singcang-Airport, Barangay Sum-ag, Barangay Tangub, Barangay Punta. Taytay kag Barangay Banago sa ciudad sang Bacolod.
