Amat-amat na nga nagadisplay sang mga bulak ang mga vendors para sa tigkalalag.
Sa interview sang Bombo Radyo kay Rhea Inayan, vendor sa Stargazer flowershop, Lacson st, Bacolod City, amat-amat na sila nga nagadisplay sang ila baligya kun sa diin may yara na sang mga nagabakal sa ila apang ginalauman nga maga-umpisa bwas nga adlaw ang pagdamo sang costumer.
Suno diri, ang ila nga bulak ang ila pa gin-order gikan sa Baguio, Benguet samtang may yara man sang gin-order naggikan sa luwas sang pungsod kaangay sa China.
Wala man sang pagbag-o sa ila nga presyo nga nagadangat sa P100 tubtob sa P5,000.
Nagabaton man sila sang customized order.
Sila ang magabaligya tubtob sa Nobyembre 2 apang kun sold out ang ila produkto, liwat sila nga maga-order sang dugang nga stock.
